A Autoestrada do Atlántico: Navallada á Galiza

Recordar como se fixo a AP-9, a autoestrada que hoxe vertebra o Occidente do noso país mentres Ourense e Lugo esmorecen demográficamente, con toda clase de inxustizas contra o povo labrego habitante das terras que atravesa a AP-9, é un acto de MEMORIA HISTÓRICA ainda atrevido. "Autopista" ainda hoxe parece un sinónimo de progreso. E-o?

Lembrar como se conduce polas autoestradas, como se incumpren normas de seguridade, como non existe mantemento das vias de comunicación nas que constatemente nos matamos en viaxes en coche no nome do progreso... quizais todo iso poida levar a alguén a pensar que a construcción da autoestrada AP-9 e o seu estado actual conxuntamente coa N-550 non é o mellor xeito de artellar a comunicación terrestre.

Velaqui dous documentos audiovisuais imprescíndiveis:

"La mirada de Anna” coproducción da empresa Adivina Producciones e a a catalana Área de Televisió coa colaboración de TVG, TV3, Xunta de Galicia e Generalitat de Catalunya.

Autopista, unha navallada á nosa terra

Filme Histórico disponínel en Flocos

» Llorenç Soler, 1977

UN ANO DESDE O ACCIDENTE DE ORDES NA AP-9

365 Días pasaron desde o 2 de nadal de 2008. Luisa recuperou-se logo de 7 meses de baixa laboral, 4 meses con corsés praticamente inmobilizada en casa, 10 dias de hospitalización, 2 deles sen saber se a sua fractura ia derivar nunha discapacidade de por vida... A recuperación foi lenta pero agora incluso xa fai natación con normalidade como boa terapia de rehabilitación. Estamos felices con todo. Mália non recebir nengunha comunicación de Audasa neste tempo ademais das facturas claro está... Mália agardar pacientemente xuizo contra os responsábeis últimos do accidente que xamais se teria producido se alguen esparcise sal. O sal é barato, os hospitais, clinicas, fisioterapeutas, ximnasios e demais son moito máis caros que o sal. Unha vida cantos quilos de sal vale ?. Agardamos que neste inverno non falte sal na AP-9.

A maior parte dos máis de corenta accidentados nos dous accidentes múltiples acontecidos na AP-9 hai un ano á altura de Ordes, recuperaron axiña as suas vidas, os seguros pagaron as correspondentes indemnizacións e uns coches foron substituidos por outros. Foi unha sorte que nós valoramos cada día. Só hai que pasar uns minutos agardando un TAC para saber se a medula espinal está danada para lembrar-se toda a vida do preciso que é o sal en inverno na autoestrada. Mais para os Xerentes de Audasa o sal deve ser un gasto accesório ou aleatório, menos importante que as flores de plástico do seu despacho.

Luisa a miña muller voltou nacer, e celebramos o seu primeiro novo cumpreanos. Temos outro coche novo e moito respeto a unha Auto-estrada AP-9 que cruza o noso pais coma unha navallada en maos estranxeiras , mal xestionada e que anuncia en prensa que agora conta con 8 estacións meteorolóxicas quen de predecir xeadas con 24 horas de antelación.

Nós, xa non cremos en Audasa, nen no Ministerio de Fomento, se xia e hai menos de 0 graos. Non collades a Auto-estrada. Porque se cadra non tedes tanta sorte coma nós e as máis de 40 persoas que chocaron hai un ano en Ordes. A maioria deixaron ali o seu coche sinistro total e un bon susto.

TODO PORQUE NON SE BOTOU SAL NEN SE ADVERTIU DO ACCIDENTE AO RESTO DOS CONDUTORES. Xa pasou un ano e estamos a espera de que se celebre o xuizo que determine os culpaveis. O Atestado da Garda Civil de Tráfico deixa claro que o accidente aconteceu polas placas de xeo da calzada e que Audasa non fixo nada para evita-lo xa que non botou sal nesa zona. Eu mesmo lembro agora como de madrugada, en Urxéncias un oficial da Garda Civil afirmava ao dia seguinte que o camión de Audasa encargado de botá-lo sal estava no atasco da AP-9 as 8:30. Imposíbel que botaran sal. Era o único camión para toda unha Auto-estrada...

Enfin o dito, celebramos con ledicia este aniversário ainda que NADA garante que non se poida voltar a producir algo semellante neste inverno. Moita sorte e sentidiño a tod@s na auto-estrada.

Accidente múltiple na Autoestrada en Abegondo

CAOS NA AP-9 POR GUINDAR UN CIGARRO Á MEDIANA

Unha nena de seis anos resultou ferida grave. Un autobús, seis turismos e un camión de bombeiros que acudía a sufocar un incendio víronse implicados.

O choque en cadea aparentemente aconteceu pola FALTA DE VISIBILIDADE por mor dun incéndio forestal. Outravolta vemos que AUDASA carece de calquer plan de continxéncias, seguridade ou prevención. A concesionária das Autoestrasdas do Atlántico non usa os seus recursos para previr accidentes acondicionando correctamente a autoestrada e os terrenos colindantes ( que non desbroza como é a sua obriga).

Segundo a Garda Civil o incéncendio puido ter-ser producido pao guindar unha cabicha á mediana un conductor.

Fontes:

• Xornal de Galicia
• Voz de Galicia
• Faro de Vigo

As Navalladas Continuan...A história da "Autopista AP9" 1977-2008

Video Presentación sobre os accidentes múltiples nas Autoestradas Galegas.

AUDASA e a re-venda de domínios na web

Unha persoa aparentemente relacionada co negócio de revenda de dominios ven de rexistrar tvg.com.es onde coloca unha web de duvidosa calidade cunha campaña anti-peaxe na AP-9. A idea é interesante ainda que cremos que só lle interesa chamar a atención para re-vender o domínio ao mellor postor. Mercara-llo AUDASA ? A información de contacto da persoa rexistrante poder ver-se no WHOIS. Asique quen se queira apontar ao suposto boicot, xa sabe que se dirixa ao creador de tan "orixinal" web sen contido próprio, pero non por iso, cunha menos xusta reivindicación.